Paramount Urdu Angrezi Lughat bunyadi tor par talib ilmoo k liye hy. Taham is main itny buhat sy lafz jama kar diye gaye hain k aam qarain bhi faida utha sakty hain. yahi nahi, yeh un hazrat k kam bhi aa sakti hy jo akhbaron aur Tv chanaloon sy wabasta hain aur jin ko urdu alfaz ka angrezi mutabadil talash karny main baaz awqat diqqat hoti hy. Garz is ki afadiyat ka daira khaza wasi hy.

Lughat k murattabeen ny saliqay ka soboot diya hy. Urdu lafz wohi chunay hain jin ka chalan ziyada hy aor angrezi maani bhi itny hi darj kiye hain jo wazahat k liye kafi aor aam faham hon. Ummeed hy k is lughat ko na sirf pazirai hasil ho gi balkah har do teen saal baad isy bar mahal banany ki khatir nazr-e-sani k amal sy guzara jaie ga ta k is ki taazgi main farq na aaye.